Faji jonë i vetëm është se nuk na dhemb ajo që i dhemb tjetrit

Edison ÇERAJ

Kur ndodhin përmbytje, na thonë se fajin e kanë njerëzit që ndërtojnë vend e pa vend.

Kur s’ka ujë, fajin e kanë njerëzit që lahen çdo ditë, dhe jo një herë në javë si në kohën kur hanim me lugë floriri.

Kur s’ka energji elektrike, përsëri fajin e kanë njerëzit, se kanë ngarkuar rrjetin.

Kur bie tërmet, fajin e kanë njerëzit, se nuk kanë marrë inxhinierë kur kanë ndërtuar.

Kur ka trafik, fajin e kanë sërish njerëzit, ngaqë nuk lëvizin në këmbë.

Edhe në pandemi faji vazhdon të projektohet mbi njerëzit, se nuk ruhen.

Edhe kur na vrasin, fajin e kemi ne, se iu dukemi të armatosur.

Si rrjedhojë e këtij rrebeshi fajësues, edhe kur një pjesë thonë “vetë e kemi fajin“, ata kanë vetëm një përgjigje: “ju e keni fajin që keni faj”.

Faji jonë i vetëm është se nuk na dhemb ajo që i dhemb tjetrit